საქართველოს მაშტაბით მიმდინარეობს სამოქალაქო განათლების ოლიმპიადის პირველი ტური.

პირველი ტურის მსვლელობას თბილისის მე-10 საჯარო სკოლაში ორგანიზაცია "მოქალაქის" აღმასრულებელი დირექტორი ნიკოლოზ ჩხეტიანი და შეფასებისა და გამოცდების ეროვნული ცენტრის ხელმძღვანელი მაია მიმინოშვილი აკვირდებიან. 

ოლიმპიადის პირველ ტურში საქართველოს ყველა რეგიონის 1277 სკოლის 22 000-ზე მეტი მოსწავლე მონაწილეობს.

აღნიშნული მაჩვენებელი რეკორდულია და საქართველოში აქამდე ჩატარებულ მსგავსი ტიპის ღონისძიებებში ამ რაოდენობის მონაწილე არ დაფიქსირებულა.

 ორგანიზაცია "მოქალაქის" აღმასრულებელი დირექტორი ნიკოლოზ ჩხეტიანის განცხადებით "ოლიმპიადა მიმდინარეობს ერთ საგანში. ეს არის სამოქალაქო განათლება. ძალიან საინტერესო საგანია. ჩვენი ორგანიზაცია მაქსიმალურად ცდილობს მოსწავლეებში აამაღლოს ამ საგნის ცოდნა მთელი ქვეყნის მასშტაბით. ეს არის ჩვენი პირველი პროექტი. ძალიან კმაყოფილები ვართ, მოსწავლეების აქტიურობით და იმედი გვაქვს, რომ ძალიან კარგი შედეგები გვექნება".